Agkidkiddaw ti kooperasyon manipod kadagiti bumisita iti Baguio city public cemetery ni PLtCol Zacarias Dausen, Chief ti Traffic Enforcement Unit.
Daytoy ket gapu kadagiti restrictions a naibaba para kadagiti bumisita iti sementeryo.
Sigun kenkuana, limitado dagiti loading ken unloading area ken adda ti barikada iti kalsada iti kaattidugan ti Public Cemetery area tapno maipasigurado ti naannayas a gunay ti trapiko.
Malaksid iti daytoy, adda ti naituding a parking area nu sadino addaan laeng daytoy ti 30-40 slots.
First come-first serve daytoy rason nu apay dagiti awan pagparadaanna ket drop and go laengen tapno saan a dumagsen ti gunay ti trapiko.