BAGUIO CITY – Makikokoordinar ita ti Provincial DRRM Council ti La Union iti City DRRM Coundil ti Baguio para iti panakaipaay ti tulong kadagiti estudyante a taga-La Union a napupuk ditoy Baguio City kabayatan ti manarimaan nga Enhanced Community Quarantine gapu iti COVID-19.
Gapu iti daytoy, makidkiddaw ti panangipatulod iti mensahe babaen iti cellphone wenno iti panagtawag dagiti maseknan nga estudyante iti hotline numbers a 0927-628-0498 ken 0999-678-4335.
Kasapulan nga ited dagitoy ti sibubukel a naganda, contact number, address iti ayanda ditoy Baguio ken address ti balayda sadiay La Union.
Partikular a maisimsimpa ti posible a panakaiyawid dagitoy sadiay La Union.
Nupay kasta, awan paylaeng ti naituding nga aldaw ti panagbiahe dagitoy gaputa maaramid paylaeng ti listaan dagiti estudyante a masukon ditoy Baguio City.
