Manarimaan ti nainget a koordinasyon ti Baguio City Police Offce ken Cybrecrime Unit para iti pannakaisayangkat ti imbestigasyon seknan iti text message a maysa nga scam a mang-araramat iti BCPO.
Ti text message ket naglaon iti panagbalaag ti traffic ticket ket nasken a bayadan dagiti nasendan tapnu saan a mamulta kagiddan ti link a naikabil.
Sigun kenni Pmaj Marcy Grace Marron, Public Information Office ti BCPO nga awan ti pakainaigan ti BCPO iti nasao a text message ken website a maar-aramat.
Impettengna pay a ti kapulisan ken lgu ket saan nga agsesend ti text message panggep ti panagbayad ti traffic citations.
Nu pay kasta kinuna daytoy a dagiti addaan ti traffic violation wenno dagiti indibidual a kayatna nga agverify, makita nu manu bayadan ken katnu bayadan ken daduma pay nga impormasyon a kasapulan ket icheck iti Baguio city traffic resolution portal wenno ti Baguio City Apprehension Portal (BCAP) a masarakan iti Baguio in My Pocket (BIMP).
Nagpalagip pay ti opisyal a ti inyaman a mesage a mangdawdawat ti inya man a personal inpormasyon ket i-ignore ladtan.
Kabayatnna, agpalpalagip ti opisyal iti publiko ti panangliklik a mangiclick kadagiti links a maisesend iti text message nangruna nu suspicious daytoy tapnu saan a mabiktima ti scam.
Saan a laeng a daytoy no diket iti amin a klase ti scam kas iti love scam ken daduma pay.
Maipalagip nga idi kalman ket immadu ti compaliants kalpasan a nakaawat dagitoy ti nasao a text message nga scam, ultimo dagiti awanan ti lugan ken nakaawat ti nasao a text message.
Iti agdama manarimaan ti imbestigasyon seknan ti daytoy.
