--Ads--
Kinumpirmar dagiti talent agency da IU ken Lee Jong Suk a nagsinan dagiti dua a KOrean stars kalpasan iti uppat a tawen a panaggayem dagitoy.
Kinumpirmarda daytoy idi kalman, Hulyo 10, iti media.
Sigun kadagiti nasao nga ahensya, nupay nagsina dagitoyen, agtaltalinaedda latta a nasinged nga aggayem iti industriya.
Maipalagip a kinumpirmar dagiti dua iti relasyona iti Disyembre 2022.
Saan metten a dinamakamat dagiti ahensya dagitoy iti rason ti panagsinada.
Iti agdama, agsagsagana ni IU para iti baro nga album ken konsyertona bayat nga agsagsagana met ni Lee Jong Suk iti umadani a series na a “The Remarried Empress”. //bombokaren.c.sapirao
