Impeksa ni Vice President Sara Duterte nga addan iti DNA ti gobyerno ti korapsyon.
Daytoy ti nagbalin a paset iti mensahena iti pannakipasetna iti maika-52 Philippine Business Conference and Expo ti Philippine Chamber of Commerce and Industry (PCCI) a naangay idiay The Manila Hotel idi napan a bulan, maibasar iti pablaak ti bise presidente.
Innayon daytoy a dakkel a karit iti tarigagay ti napintas a masakbayan dagiti Pilipino ti korapsyon.
Impettengna pay nga arigna maysa a “progressive disorder” ti korapsyon iti DNA ti gobyerno no sadino dagiti Pilipino ti kakaisuna a mangsagsagrap kadagiti consequences daytoy.
” . . malaking hamon sa pangarap na ito (magandang kinabukasan) ang korapsyon na humahadlang sa atin sa pag-abot ng mas maraming oportunidad at sa kaunlaran. It is a progressive disorder that has embedded itself deep within the DNA of the government—and tragically, it is the Filipino people who are left to suffer the consequences. “
Kagidan daytoy, inalukoyna ti publiko nga agtuloy a labanan ti korapsyon ken ituloyda nga agkiddaw iti accountability manipud kadagiti opisyal iti gobyerno.









