Sinentensiaan ti korte idiay Vietnam ti 27 a tattao iti ipapatay idi kalman kalpasan a nasarakan dagitoy a nakabasol iti panaglako iti nasurok nga innem a gasut a kilo a “narcotics” a pakairamanan ti heroin, ketamine ken methamphetamine.
Karaman kadagiti nasentensiaan ket ti dadaulo ti gang ken mabigbigbig a “notorious female crime boss” a ni Vu Hoang Anh, wenno alias Oanh Ha.
Ti tallo pulo ket lima a kameng ti nasao a grupo ket nangipuslit iti 626 kilos (1,380 pounds) a droga manipud Cambodia nga agturong idiay Vietnam iti nagbaetan ti Marso 2018 ken Nobiembre 2022, kas nakalanad iti papel.
Dagiti walo a miembro a saan a nasentensiaan ti matay ket nasentensian met ti pannakaibalud manipud 20 a tawen agingga iti tungpal biag, kalpasan ti uppat nga aldaw a “trial” idiay Siudad ti Ho Chi Minh.
Sigun iti korte, ti kaso ket karaman iti serioso a cross-border drug trafficking operation iti nabayagen a panawen.
Maibasar iti imbestigasion, inaramat dagiti suspek dagiti social media networks kas iti Signal, nga inadaptarda dagiti palayaw a kas iti “Colombia” ken “Mosscau” wenno “Mosscau Russia” tapno maliklikan ti pannakaduktal.
Kabayatanna, sipud idi 2012, ar-aramiden ti Vietnam ti pammapaty babaen ti lethal injection, a sigud a firing squads ti wagas ti pammapatayda.
