Kidkiddawen ita ti Korte Suprema ti Senate impeachment court ken House of Representatives ti komentoda seknan iti petisyon a mangkukuwestionar iti voting threshold tapno maconvict ni Vice President Sara Duterte iti impeachment trial.
Ti madakdakamat a petisyon ket ti impila da Sen. Robin Padilla, Sen. Bong Go, PDP-Laban, ken dadduma pay nga abogado.
Iti resolusyon nga inpaulog ti Korte, inikan ti Korte ti dua a sangay iti lima nga aldaw manipud iti panangawatda iti abiso tapno mangisumitir iti komentoda seknan kadagiti petisyon.
Kasaruno daytoy iti panangabrobar ti 12 senator-judges a mailaksid dagiti mammanday-linteg a naibalud, suspendido wenno saan a makipaspaset iti hearing manipud iti two-thirds vote a kasapulan tapno maconvict ni VP Sara.
