Nakaawat ti Korte Suprema idi kalman ti reklamo a mangkikiddaw ti “disbarment” ni Vice President Sara Duterte kasaruno ti kinunana a kalienna ti bangkay ni sigud a President Ferdinand Marcos Sr.
Kinumpirmar daytoy ti pannakangiwat ti Korte Suprema a ni Camille Ting nu sadinno “anonymous complaint” para iti disbarment kontra kenni Vice President Sara ti naawatda.
Sigun kenni Ting, naawatda daytoy iti nasapsapa a paset iti agdama a bulan ken ururayen laengen ti tignay ti Korte Suprema seknan iti nasao a banag.
Maipalagip a kinuna ni Vice President Sara Duterte a pinangtaanna ni Senador Imee Marcos a kalienna ti bangkay ni sigud a Ferdinand Marcos Sr. ken ibellengna iti West Philippine Sea nu saan nga agsardeng ti panagatakeda kenkuana.
Nagkedked ni President Ferdinand “Bongbong” Marcos, Jr. nga agkomento iti nasao a banag.
