Nangipaulog ti Branch 52 ti Manila Regional Trial Court ti precautionary hold departure order (PHDO) kontra kenni Senator Jinggoy Ejercito Estrada ken sumagmamano nga sigud nga opisyal ti Department of Public Works and Highways (DPWH).
Daytoy ket paset iti kaso a plunder ken maaatap a naanomalyaan a flood control project idiay Bulacan.
Ti nasao nga order ket nairuar idi Pebrero a-dyes iti agdama a tawen babaen kenni Presiding Judge Juan Ranola, Jr. no sadino ket inbilinna iti Bureau of Immigration nga innayonda ti nagan dagiti nadakamat nga opisyal iti hold departure order tapno maliklikan ti panagruwar dagiti nasao nga opisyales iti pagilian kabayatan iti imbestigasyon ti kaso.
Karaman met laeng iti nanaganan iti nasao nga order ni sigud nga Department of Public Works and Highways Secretary Manuel Bonoan, sigud nga Undersecretary Roberto Bernardo, ken dagiti district engineers a da Henry Alcantara ken Gerard Opulencia.
Makita metlaeng iti nasao nga order ti nagan daydi sigud nga DPWH Undersecretary a ni Cathy Cabral a pimmusay idi Disyembre idi napalabas a tawen. Nupay kasta,impilada latta ti papel daytoy kas paset ken karaman kadagiti orihinal nga respondents. //Bombo Karen Sapirao
