BAGUIO CITY – Bimmaba ti nairekod a krimen iti Cordillera Region ita a tawen no idilig idi napalabas a tawen.
Sigun kenni Police Regional Office Cordillera (PROCOR) Regional Director PBGen R’win Pagkalinawan, nairekord ti 3,200 a nagduduma a kaso ti krimen iti rehion ita a tawen, nababbaba iti 42 percent manipud iti 5,500 a kaso idi 2019.
Kinuna met ni Benguet Police Provincial Director PCOL Elmer Ragay a nakemmeg ti 24 nga indibidual gapu iti panangimet dagitoy iti marijuana ken nakumpiskarda ti iligal a droga nga aggatad iti P85 million.
Innayon ni Ragay nga ita a tawen, adda ti naipatungpal a 55 a marijuana eradication operations sadiay Benguet.
Impanamnama ti PROCOR nga agtaltalinaed met a natibker ti kampania kontra iti iligal a panagpukan iti kayo ken iligal a sugal iti Cordillera.
