Impanamnama ti gobyerno kadagiti 112 a kasangsangpet nga Overseas Filipino Workers (OFWs) ken dependents dagitoy manipud Dubai, United Arab Emirates ti sibubukel a suporta ken dagos a panangipaay ti tulong kadagitoy.
Apaman a naglanding dagitoy, dagos a naipaayan dagitoy iti assistance package.
Manipud iti eropuerto, natalged a naiyakar dagiti pasahero iti maysa a holding area idiay pasilidad ti DTI-PTTC tapno matulongan dagitoy kadagiti bagahe da ken maipasidung dagitoy iti inisyal a proseso no sadino naipaayan dagiti Pilipino ti special financial assistance pakairamanan ti libre a taraon bayat nga agur-uray dagitoy.
Tapno maipasigurado ti natalged ken organisado a panangpaawid kadagiti OFWs iti bukodda a pamilya, nangipaay ti gobyerno ti temporaryo nga accomodation ken transport assistance para kadagitoy.
Agtultuloy a nakamonitor ti nasao nga ahensya tapno maasistaran dagiti OFWs agingga makaawid dagitoy kadagiti bukodda a probinsya. //bombokaren.c.s
