--Ads--
Impakaammo ti Philippine Atmospheric, Geophysical and Astronomical Services Administration (PAGASA) a naglepasen ti La Nina phenomenon iti pagilian.
Sigun iti PAGASA, nagsublin iti ENSO-neutral ti kondisyon ti Pasipiko ken manamnama nga agtalinaed daytoy a kondisyon agingga iti katengaan iti agdama a tawen.
Innayon pay daytoy nga uray awan ti La Niña ket makapadas latta ti pagilian a Pilipnas ti panagtudo.
Nagpalagip metlaeng ti nasao nga ahensiya iti publiko nga agbalin latta a naridam nu maipanggep iti sasaaden ti panawen.
Impakaammo pay ti PAGASA a posible a dumanon ti 11 a bagyo ti posible nga umuneg iti pagilian manipud Pebrero agingga Hunyo iti agdama a tawen. //Biombo
