Pagyamyamanan ti munisipyo ti La Trinidad, Benguet ti naawat ti Barangay Shilan a pammadayaw itay laeng nabiit.
Daytoy ket kalpasan a nangabak ti barangay Shilan Tourism Guide Association kas 2nd place kas maysa kadagiti best tourism community village iti rehiyon Cordillera.
Ti nasao nga aktibidad ket indauluan ti Department of Tourism- Cordillera
Iti pannakiuman ti Bombo Radyo kenni La Trinidad, Benguet Councilor Belmer Elis, kinunana a nangabak ti nasao a barangay gapu iti bayanihan wenno panagtitinulong dagiti umili sadiay.
Daytoy ket babaen iti panagmulada iti sabong kasta metten iti panagdalus tapno mapapintas ken madalusan ti aglawlaw dagitoy.
Magagaran met dagitoy a mainayon ti nasao a programa iti kabarbaro nga oridinansa sadiay a beautification ordinance.
Namnamaen ni Elis a mapunduan ti nasao nga ordinansa tapno adda a maiyemplementar daytoy inton sumaruno a tawen tapno adda pay a mapapintas ken madulusan dagiti aglawlaw iti nasao a munisipalidad.
Kidkiddawenna met ti tulong dagiti amin a tourism stakeholders rason nga adda latta nga imonmonitorda dagitoy tapno maaksyunan no adda man iti parikutda.
