--Ads--
BAGUIO CITY – Nagkampeon ti munisipyo ti La Trinidad, Benguet iti kaunaan a Pilipinas Para Games a naangay iti probinsia.
Nakaurnong ti delegasyon ti La Trinidad iti pakabuklan a 44 a medalya a bukbuklen ti 11 a gold medals, 17 a silver medals ken 16 a bronze medals.
Nagun-od ti delegasyon ti Baguio City ti maikadua a pwesto kalpasan a nakaurnongda iti 9 a gold medals, 4 a silver medals ken 1 a bronze medal.
Naragpat dagiti delegado ti Mankayan ti maikatlo a pwesto a sinaruno ti Bokod, Tublay, Tuba, Itogon ken Kapangan.
Dumanon iti 200 a differently-abled nga agtutubo ti nakipaset kadagiti ay-ayam nga athletics, bocce, chess ken powerlifting a naangay amin iti Benguet Sports Complex idi napalabas a lawas.
