Naituding a sangailiin ti munisipyo ti La Trinidad, Benguet ti umadanin a Mr. Grand Philippines Cordillera a mangrugi inton Setyembre baente singko agingga baente otso, iti agdama a tawen.
Sigun kenni Councilor Belmer Elis, Chairperson ti Municipal Council Committee on Tourism, panggep metlaeng daytoy nga ital-o ti nasao a munisipalidad.
Pakabuklan iti 20 male candidates ti agbabalubal iti regional elimination manipud kadagiti nagduduma a paset ti Cordillera, pakairamanan ti probinsya ti Abra.
Ti mapili iti daytoy ket isu ti mangirepresentar iti national competion idiay Manila inton Nobyembre.
Gapu iti daytoy, manamnama a sumangpet dagiti participants inton Setyembre baente singko, no sadino ditoy a maangay ti tradisyonal a welcome dinner, press conference ken sashing ceremony.
Mangrugi met ti pre-pageant inton Setyembre baente sais iti municipal gymnasium.
Kabayatanna, naituding inton Setyembre baente syete, ti fashion show bayat nga inton Setyembre baente otso ti Coronation night a maangay idiay Cordillera Career Development College (CCDC) gymnasium.
Maal-allukoy met ti publiko a makipaset iti nasao nga aktibidad.
