BAGUIO CITY – Nabigbig ti La Trinidad Municipal Police Station kas Best Municipal Police Station iti entero a Pilipinas ita a tawen.
Imbingay daytoy ni PSSupt. Lyndon Mencio, provincial director ti Benguet PNP kagiddan ti panakarambak ti 2018 Police Community Relations Month.
Sigun kenkuana, awaten ti La Trinidad PNP ti nasao a pammadayaw inton August 8 kabayatan ti PNP Service Anniversary sadiay Camp Crame.
Kinunana a ti panagmaymaysa ti pulisya, lokal a gobyerno ken dagiti umili ti maysa a rason no apay a nagun-od ti La Trinidad PNP dagiti nagduduma a pammadayaw.
Innayonna nga ad-adda pay nga irtengan dagiti pulis ti community relations dagitoy ken ti panangimplementarda kadagiti programa ti pulisya a makatulong iti panakapatalinaed ti linak ken kappia iti masakupanda a lugar.
