Agtultuloy ti panangkontra ti Kilusang Mayo Uno- Cordillera kadagiti mobilization projects a maisingsingasing iti siudad ti Baguio.
Maipalagip a ti Kilusang Mayo Uno ket maysa a grupo a mangitaltal-o iti karbengan dagiti mangmangged.
Iti pannakiuman ti Bombo Radyo Baguio ken ni Mike Cabangon, dadaulo ti Kilusang Mayo Uno-Cordillera, agtultuloy a pangta dagiti maisisingasing a modernization programs iti siudad kas iti Jeepney Mobilization ken Smart Urban Mobility Project.
Inlawlawag ni Cabangon a no maipatungpal dagitoy a proyekto, agsagaba ken mabisinan dagiti drivers ken small operators iti rehiyon Cordillera.
Dinakamat pay ni Cabangon a nangisumitirda idi tawen 2025 iti petition idiay Korte Suprema a mangibagbaga nga unconstitutional dagiti modernization ken corporatization programs a maisinsingasing iti rehiyon Cordillera partikular iti siudad ti Baguio ken mailabsing daytoy iti Republic Act 4136 wenno ti Land Transportation and Traffic Code. | via Bombo Karen Sapirao
