BAGUIO CITY – Maangay ti maysa a job fair inton May 1 wenno Labor Day sadiay Baguio City National High School – Main Annex babaen iti panangidaulo ti Department of Labor and Employment – Cordillera ken ti Public Employment Service Office – Baguio.
Sigun kenni DOLE – Cordillera Regional Director Exequiel Ronnie Guzman, maidiaya ti nagduduma a trabaho para kadagiti agtartarigagay nga agbirok ti trabaho nangruna kadagiti fresh graduates.
Kinunana a dumanon iti nasurok 1,600 a trabaho ti idiaya ti 29 a local employers bayat a nasurok 14,100 a trabaho ti idiaya ti 10 nga international wenno overseas agencies.
Innayonna a nasken laeng nga isagana dagiti job seekers ti resume wenno biodata dagitoy ken apanda iti venue a naka-bussiness attire.
Mangrugi ti job fair iti 7:30 ti agsapa ti May 1.
Nupay kasta, adda ti pre-registration inton April 25 iti alas-otso ti agsapa agingga alas-singko ti malem sadiay Malcom Square.
