BAGUIO CITY–nakemmeg ti maysa a laborer gapu iti panangpangpang-orna kadagiti tallo nga indibidual a trabahador iti maysa a funeral parlor sadiay Cruz, La Trinidad Benguet idi kalman.
Nabigbig daytoy a ni William Randy Pidericho Lang-ayan a residente ti San Carlos, Irisan, Baguio City.
Nabigbig met dagiti biktima a da James Bernard Llanillo, engraver; Charlie Boy Tupas, driver ken ni Frances Garcia, checker ken dagitoy ket bin-ig nga stay-in workers iti nakapasamakan ti insidente.
Sigun kadagiti biktima, makumikom dagitoy nga agtatrabaho idi killaat a simmangpet ti suspek nga armado iti steel pipe wenno tubo ken sadiay a killaat a pinangpang-urna ni Llanillo.
Siniklikan ni Llanillo ti suspek ken naglemmeng iti likodan ni Tupas ngem daytoy metten ti pinangpang-or ti suspek.
Nagala ni Tupas iti tugaw a nangsarapana iti tubo ken kalpasanna ket Pimmanaw ti suspek ngem sakbay a pimmanaw ket killaat a pinang-orna ti abaga ti nalabasanna a ni Garcia.
Nagresponde met dagiti pulis a nangitunda iti panakakemmeg ti suspek a sumangsango ita iti kaso a serious physical injuries.
