BAGUIO CITY – An-anupen dagiti pulis ti suspek a nangtagbat iti maysa a crane operator sadiay Pasco, Kabayan, Benguet idi kanikadua.
Nabig big ti suspek a ni Rolando Boac, 40-anyos, naasawaan, laborer ken residente ti Pideg, Tubao, La Union bayat a nabigbig ti biktima a ni Clemente Tingalon, 59-anyos, naasawaan, crane operator ken residente ti Central, Balili, La Trinidad, Benguet.
Maibasar iti report, agin-inom ti biktima ken ti suspek iti uneg ti barracks dagitoy idi timmaud ti nabara nga argumento iti nagbaetanda.
Kalpasanna, napan naturog ti biktima ngem sinurot daytoy ti suspek ken sadiay a killaat a tinagbat ti suspek ti ulo ti biktima babaen iti kutsilyo.
Naitaray ti biktima iti pagagasan bayat nga agtultuloy ti panangimbestigar dagiti pulis iti nasao a kaso.