Nangisayangkat iti vlogging competition a naawagan a “Content War” ti lokal a gobierno idiay Lagayan, Abra tapno makatulong iti panangpapigsa iti turismo iti nasao a munisipyu.
Panggep ti programa a guyugoyen dagiti content creator ken vloggers nga ipakita ken itandudo iti social media ti nagduduma a tourist destinations iti lagayan.
Paset metlaeng daytoy dagiti aktibidad para iti Laga Festival a maisayangkat manipod Marso 15 agingga 17, 2026.
Sigun kenni Lagayan Tourism Committee Chairperson Dominador Cardenas, dakkel a tulong dagiti vlog a daytoy tapno maguyugoy ti ad-adu pay a turitsa nga agbisita iti munisipyu ken makatulong iti pagbiagan, nangruna kadagiti tour guide.
Kabayatanna, sigun iti maysa kadagiti nakipaset a ni Xavier Ballay manipod Tanudan, Kalinga, nakipaset daytoy iti contest tapno maipakita pay ti nagduduma a pagpasyaran iti Lagayan, kalpasan a naaddaan iti nasayaat a kapadasan iti Ar-arbis Falls idiay Barangay Collago.
Dagiti mangabak iti contest ket makaawat iti P20,000, P15,000, at P10,000 a cash prize, a maipablaak inton Marso 16 kas paset iti panangrambak iti Laga Festival.
