Nakadanunen kadagiti residential areas partikular iti La Castellana, ken Negros Occidental ti lahar manipud iti Mt. Kanlaon.
Gapu iti daytoy, agtultuloy latta ti panagbakwit dagiti residente nga agnanaed kadagiti barangay a naapektaran gapu paylaeng iti lahar.
Iti baet dayta, agtultuloy metlaeng ti panangipaay iti tulong dagiti maseknan nga ahenysa kadagiti pamilya a naapektaran iti panagbettak ti nasao a buklan.
Nangipaay metlaeng dagitoy iti taraon ken danum kadagiti nagbakwit nga agarup 250 nga indibidual idiay Negros Occidental ken Negros Oriental.
Malaksid iti dayta, adda metlaeng dagiti volunteers a nangipaay iti first aid ken welfare stations idiay La Carlota ken La Castellana evacuation centers.
Kabayatanna, impasigurado met dagitoy kadagiti residente ti tulong agingga nga agsubli iti normal a sitwasyon dagiti naapektaran a lugar.
