BAGUIO CITY – Balligi a nakemmeg ti maysa a lalaki babaen iti buy-bust operation nga insayangkat dagiti otoridad sadiay Wagner Road, Military Cut-off, Baguio City.
Nabigbig daytoy a ni John Anthony Rosal, 29-anyos, awanan iti asawa ken residente ti BGH Compound, Baguio City.
Maibasar iti report, agop-operate ni Rosal iti sidong ti immunan a nakemmeg a maatap a drug supplier ken drug queen a ni Anna-lyn Lee.
Sigun pay kadagiti otoridad, ginandat ni Rosal nga aglibas kalpasan a nakadlaw kadagiti otoridad ngem saan a nagballigi.
Nakumpiskar manipod kenkuana ti masya a pakete ti maatap a shabu nga aggatad iti P122, 400 nga inaramatna kabayatan ti transaksion kadagiti otoridad.
Narekober pay ti buy-bust money ken maysa a smart phone iti suspek ken dadduma pay a drug paraphernalia.
Sumang-sangon ni Rosal iti kaso a panaglabsing iti Comprehensive Dangerous Drugs Act of 2002.
