--Ads--
Agpapaimbag ita ti maysa a lalaki kalpasan a nakuryente sadiay Purok 3 Extension, Happy Hallow Baguio City itay nabiit.
Maibasar iti report, ti biktima ket trabahador ti maysa nga internet service provider.
Immuli ti biktima iti agdan nga addaan kangato a 15 feet tapno sukimatenna ti linya ti internet.
Nupay kasta, aksidente a nasagidna ti naukisan a wire ti kuryente a rason a nakuryente daytoy.
Natnag ti biktima iti agdan ken nagsagrap daytoy ti first degree burn.
Nagresponde met ti kameng ti pulisya ken naitaray ti biktima iti ospital nga iti agdama ket addan iti natalged a kasasaad.//Cara
