BAGUIO CITY- Addan iti nasayaat a kasasaad ti maysa a lalaki kalpasan a maatap a ginandatna a kittelen ti bukodna biag.
Maibasar iti report ti pulisya, inreport ti 59-anyos a lalaki a residente idiay Teachers Village, Baguio city ti insidente.
Sigun iti nangipakaammo, nasarakanda ti biktima a nakaidda iti kalsada nga adaan ti “stab wound” partikular iti akin kannigid a tengged ken akin kannawan a barukungna.
Malaksid iti dayta, nasarakan dagiti pulis ti maysa a kutsilyo iti abay ti biktima.
Dagus naitaray iti ospital, gapu iti nakaro a panakabagsol daytoy.
Kabayatanna, nangisayangkat dagiti kameng ti pulisya iti kanayunan nga imbestigasyon mainaig iti nasao nga insidente iti baet nga inaklon ti biktima a “self -inflected” ti napasamak.
Napaka-amuan metten dagiti pamilya ti biktima seknan iti nasao nga insidente.//Bombo Noveh Organo
