Inkeddeng ti pamilia a saanen a maipasidong iti SICO intervention ken autopsy examination ti bangkay ti biktima a nasarakan iti uneg ti kwartona.
Napasamak ti insidente iti Marville Homes Subdivision, Tadiangan, Tuba, Benguet idi Marso 15, 2026.
Maibasar iti report ti pulisia, ti biktima ket agtawen iti 51, single, unemployed ken tubo iti Manila ken agdama a residente iti nakapasamakan ti insidente.
Rumrummuar iti imbestigasion dagiti otoridad nga iti rabii ti Marso 14, naginum ti nasanger nga arak ti biktima kaduana ti bayawna.
Sumagmamano nga oras ti napalabas, nagdesision dagitoy nga apan iti bukodda a kwarto tapno maturog.
Nupay kasta, iti kabigatanna, bangunen kuma ti babai a kabsatna ti adingna ngem maysa daytoyen a nalamiis ken natangken a bangkay.
Dagosna met nga inawagan ti Tuba MDRRMO para iti tulong.
Iti panagdamag dagitoy, naduktalan nga addaan gayam iti sakit a puso ti biktima ken manarimaan nga agmen-mentainance.
Nagpirma met ti waiver ti kabsat ti biktima a saanen a maipasidong iti intervention ken autopsy examination ti bangkay ti biktima..| via Bombo Noveh Organo
