Nakabalud ita ti maysa a lalaki idiay Lapu-Lapu City, Cebu gapu iti mapapati nga online sexual exploitation iti tallo a menor de edad agraman ti maysa a bulan a maladaga.
Nabigbig ti suspek nga agtawen ti tallo pulo ket tallo nu sadinno, dagos a nakemmeg daytoy kalpasan a natakuatan ti US Homeland Security nga aglaklako iti cyber pornography dagiti singin a kaannakanna nga agtawen ti walo a babbai ken maysa a bulan a maladaga kadagiti ganganaet iti nasurok makatawen.
Sigun kadagiti otoridad, nakumpirkarda dagiti sumagmamano a “sex toys” ken tallo a selpon a naglaon iti pornographic videos dagiti ubbing manipod iti suspek.
Ikonkonsidera ti National Bureau of Investigation ti posibilidad a ti nagannak ti biktima ket ammonda ti mapaspasamak a krimen.
Nagpalagip met ni NBI-CEVRO Agent-on-Case Maria Contessa Lastimoso iti publiko a dagiti annak ket saan a mailako ken rumbeng a masalakniban.
Pinaglibakan met ti suspek ti amin nga alegasion kontra kenkuana.
Dagiti biktima ket tartaripatuen ita dagiti social workers.
