--Ads--
BAGUIO CITY – Naibalud ti maysa a baro kalpasan ti panagtakawna iti uneg ti maysa nga establisiemento sadiay Luneta Hill, Baguio City idi kanikadua.
Nabigbig daytoy a ni Monrey Nidoy Garcia, 21-anyos, tubo ti Malolos, Bulacan ken residente ti Legarda Road, Baguio City.
Maibasar iti report, simrek ti suspek a nabartek iti establishimento ken kalpasanna ket nakita ti guardia a nangala daytoy iti tagilako ken inkabilna iti siketna.
Sinurot ti guardia ti suspek agingga a nakadanon dagitoy iti maikadua a kadsaaran ti establisiemento.
Narekober iti suspek ti 150 a pidaso ti fly paper nga aggatad iti nasurok P3,700. (-with Bombo Nikki Agsiweng)
