BAGUIO CITY – Nakemmeg ti maysa a lalaki gapu iti panangpaltog daytoy iti maysa a barangay kagawad sadiay Poblacion, Lagangilang, Abra idi kalman.
Nabigbig ti suspek a ni Narciso Hermoso Lopez, 36-anyos bayat a ti biktima ket ni Jay Echave Villamor, 46-anyos, Barangay Kagawad ken agpada dagitoy a residente ti Poblacion, Lagangilang, Abra.
Maibasar iti report, magmagna iti kalsada ti biktima ken ti kadwana idi immasideg ti suspek ken pinaltoganna ti biktima.
Nupay kasta, nakalisi ti biktima ken saan daytoy a napuntaan.
Dagus a nangipatungpal ti Lagangilang Police iti manhunt operation ken nakemmeg ti suspek.
Narekober iti ikot ti suspek ti maysa a homemade paltik ken maysa a basyo ti bala ken dua a bala.
Naduktalan dagiti otoridad nga adda ti gura ti suspek iti biktima.
