--Ads--
BAGUIO CITY – Nakemmeg ti maysa a painter gapu iti panaglabsingna iti RA 9165 wenno iti Comprehensive Dangerous Drugs Act of 2002 sadiay Purok 4, Bakakeng Central, Baguio City idi kanikadua.
Nabigbig daytoy a ni Bill Udquin Galvin, 42-anyos, baro, tubo ti Tondo, Manila ken residente ti Purok 4, Bakakeng Central.
Naamuan a ni Galvin ket high value individual dagiti otoridad.
Nakumpiskar kabayatan ti buy-bust operation ti maysa a pakete ti maatap a shabu nga agdagsen ti agarup nasurok 2.5 grams ken nagduduma a drug paraphernalia bayat a narekober kenkuana ti naaramat a boodle money.
