BAGUIO CITY – Sumangsango iti kaso a panaglabsing iti Comprehensive Dangerous Drugs Act of 2002 ti maysa a lalaki kalpasan a nangilako iti maatap nga iligal a droga partikular ti shabu iti kameng dagiti otoridad.
Nabigbig daytoy a ni Joseph Ringor, 46-anyos, awanan asawa, ken residente ti T.Alonzo, Baguio City.
Maibasar iti report, nangilako ti suspek iti maysa a heat sealed transparent sachet a naglaon iti maatap a shabu iti kameng ti DEU ti Baguio City Police Office.
Iti imbentaryo a naisayangkat, agdagsen iti 0.5 gramos ti inlako ti suspek kabayatan ti operasion.
Nakumpiskar pay ti buybust money ken ti cellphone nga inaramat ti suspek iti operasion.
Mainaig iti dayta, naamuan a ti suspek ket siguden a naipisok iti pagbaludan gapu paylang iti kapada a kaso.
