--Ads--
BAGUIO CITY – Nakemmeg ti maysa a lalaki iti naipatungpal a buy-bust operation sadiay Balili, La Trinidad, Benguet idi kalman.
Nabigbig daytoy a ni Arjay Manuel Bautista, 32-anyos, tubo ti Nueva Ecija ken residente ti La Trinidad, Benguet.
Sigun kenni PCI Benson Macliing, hepe ti La Trinidad PNP, ti suspek ket kabarbaro laeng a residente iti masakupan ti munisipyo ken karaman pay iti baro a watchlist ti pulisya.
Kinunana a nakumpiskar manipud iti suspek ti dua a pakete a naglaon iti mapapati a shabu ken maysa a cellphone.
Kagiddan iti daytoy, imballaag ni Macliing ti panakakemmeg ti ad-adu pay a drug suspects a karaman iti watchlist ti La Trinidad PNP.
