--Ads--
BAGUIO CITY – Nakemmeg ti maysa a lalaki iti buy-bust operation nga insayangkat dagiti otoridad sadiay Puguis, La Trinidad, Benguet.
Nabigbig daytoy a ni Rich Jordan Aglibay Baylon, 23-anyos, painter, tubo ti Quezon City ken residente ti Guadayan, Puguis, La Trinidad, Benguet.
Nakumpiskar kenkuana ti tallo a pakete ti maatap a shabu ken ti cellphone nga inaramatna iti transaksion bayat a narekober ti buy-bust money nga inaramat dagiti otoridad.
Naamuan a ni Baylon ket maysa nga street-level drug personality.
Sumangsangon daytoy iti kaso a panaglabsing iti RA 9165 wenno ti Comprehensive Dangerous Drugs Act of 2002.
