Pimmusay ti maysa a lalaki nga agtawen ti lima pulo ket maysa kalpasan a kellaat a naatake.
Napasamak daytoy iti maysa a pagdagusan iti siudad ti Baguio.
Iti inisial a report ti pulisya, ti lalaki a saanen a nabigbig ket nag-check-in iti maysa a pagdagusan kaduana ti maysa a babai iti parbangon ti Martes, Hulio 15, iti agdama a tawen.
Kinuna ti babai kadagiti otoridad a bayat ti pannakinaigna iti lalaki, kellaat a naatake daytoy.
Kinunana pay a nagbuteng ti babai ngem pinadasna latta a tinulungan daytoy.
Nupay kasta, saanna a kinabaelanna a risuten ti sitwasyon gaputa agmaymaysa.
Nagkiddaw ti babai iti tulong manipud kadagiti empleado ti lodge ngem daksanggasat gaputa awan ti timmulong manipod iti nasao nga insidente.
Kinumpirmar dagiti pamilia ti biktima kadagiti kameng ti pulisya a ti lalaki ket addaan ti pakaistoryaan ti hypertension ken diabetes.
Nupay kasta, saan a nalawag nu ti kondisionna ti rason ti ipupusayna wenno dadduma a rason.
Iti agdama, manarimaan paylaeng ti imbestigasion dagiti otoridad ti rason ti ipupusay ti lalaki.
