Pimmusayen ti Australiano a pagaammo kas “Man with the Golden Arm” gapu iti panangsalaknibna iti 2.4 milion a maladaga babaen ti manmano ken nabaknang iti antibody a plasma ti darana, iti tawenna a walo pulo ket walo.
Ti lalaki ket ni James Harrison a nangidonar ti dara iti 1,173 a daras iti innem a pulo ket uppat a tawen, sigun iti Australian Red Cross organization Lifeblood.
Naglaon ti plasmana iti naidumduma nga antibody a pagaamo kas Anti-D a maus-usar a pagaramid iti agas para kadagiti inna a ti darada ket agpegpeggad a mang-atatake kadagiti “unborn babies” — a pagaammo kas rhesus D haemolytic disease of the fetus and newborn (HDFN).
Nupay imposible nga ammuen no mano a maladaga ti pimmusay no awan ti proteksion ti Anti-D, ti haemolytic disease of the fetus and newborn (HDFN) ket nangapektar iti agingga iti 1 iti tunggal 100 a babbai agingga idi tawen 1966, kas maibasar iti datos ti gobierno.
Kalpasan ti balligi ti 1966 nga Anti-D trial idiay Australia, nagsapul ti Lifeblood kadagiti tattao nga addaan iti antibody tapno mapadakkel ti proyekto.
