Kellaat a nariing ti maysa nga Indian a lalaki iti funeral pyre sumagmamano a minutos sakbay a naituding a mapuoran kalpasan a saan nga intuloy ti maysa a doktor ti postmortem, sigun kadagiti medical officilas idi Sabado, Nobiembre 24,204.
Nabigbig ti lalaki a ni Rohitash Kumar, 25-anyos, a marigatan a makanggeg ken makasao.
Ni Kumar ket nagsakit isut rason a naiturong iti ospital idiay Jhunjhunu iti makindaya nga estado ti Rajasthan idi Huebes.
Sigun iti maysa a report, nakapasar ni Kumar ti epileptic seizure, ken indeklara ti doktor a dead on arrival daytoy iti ospital.
Ngem imbest a maipasidong daytoy iti postmortem tapno maammuan ti makagapu iti ipapatayna, impatulod dagiti doktor ni Kumar iti mortuary, ken naituding a mapuuran kas ritual dagiti Hindu a sursurutenda.
Sigun met kenni D. Singh, chief medical officer iti ospital, sakbayda kuma a sindian ti “pyre”, nagrugi a naggaraw ti bagi ni Kumar ken dinakamat ni Singh a nabiag ken agang-anges gayam daytoy.
Gapu iti daytoy, dagos nga intarayda iti ospital iti maikadua a gundaway, ngem nakumpirmar a pimmusay idi Biernes bayat ti pannakatamingna.
Sinuspindir met dagiti otoridad ti dagiti tallo a doktor iti serbisio ken nangiyuswat dagiti kameng ti pulisia ti imbestigasion.
