BAGUIO CITY – Umap-apela ti Baguio City Police (BCPO) – Station 7 kadagiti kabagyan ti maysa a lalaki a saan pay a nabigbig a pimmusay gapo iti panangdangran ditoy siudad ti Baguio.
Sigun iti testigo a ni Rachel Tumaak, sarsarunuenna ti biktima iti panagsalogna iti agdan sadiay iti Magsaysay Avenue.
Nasabat da Tumaak ken ti biktima ti maysa a grupo ti lallaki kabayatan iti panagsalogda.
Killaat a dinanog ti maysa kadagiti lalaki ti biktima a nagresulta iti panakatnag ken panakaitama ti ulo daytoy iti agdan.
Naitaray ti biktima iti pagagasan kalpasan nga inyuman ti testigo ti insidente kadagiti pulis.
Naduktalan a nagsagrap ti biktima iti traumatic brain injury ken severe multiple scalp fracture a nangitunda iti ipupusay daytoy.
Nakabado ti biktima iti puraw a t-shirt, blue pants, ken brown a sapatos. (– Bombo Maureen Bassit / Bombo Florence Paytocan)
