--Ads--
BAGUIO CITY – Malamlamayan ita ti maysa a lalaki kalpasan a nasarakan ti bangkayna iti lansad ti Abra River sadiay Lagangilang, Abra idi kanikadua.
Nabigbig daytoy a ni Wilson Abad, junk shop worker, 25-anyos, residente ti Lagben, Lagangilang, Abra.
Maibasar iti inisyal nga imbestigasyon, nagturong iti karayan ni Abad tapnu agdigus.
Biniruk daytoy dagiti kakabagianna idi saan pay daytoy a nagaw-awid kalpasan ti sumagmamano nga oras agingga nakita dagiti badona iti igid ti karayan.
Biniruekda ni Abad iti karayan agingga a nakita daytoy iti lansad nga awanen ti biag.
Patien ti maysa a kabagianna a posible a simro ti sakit daytoy nga epilepsy a rason iti panakalmes daytoy.
