BAGUIO CITY – Boluntaryo a simmuko kadagiti pulis ti maysa a mannalon kalpasan a pinalpaltoganna ti bayawna a nagresulta iti ipupusay daytoy bayat a nairaman a napaltoganna ti kabsatna sadiay Barangay Upper Lubo, Tanudan, Kalinga idi rabii.
Nabigbig ti suspek a ni Milandro Maslang, 40-anyos, baro ken residente ti Barangay Lower Lubo, Tanudan.
Nabigbig met dagiti biktima a da Joey Gobyang, 20-anyos ken Carmen Maslang Gobyang, 33-anyos, agpada a residente ti Barangay Upper Lubo, Tanudan.
Maibasar iti report, nakangngeg ti suspek a ni Maslang ti ariwawa manipud iti balay ti agasawa a biktima.
Gapu iti daytoy, napan ti suspek iti balay ti agasawa tapnu aganawa nangruna ta maseknan daytoy iti kabsatna ken kakaanakanna.
Nasuron ti biktima a ni Gobyang isut gapuna nga induronna ti suspek a rason met tapnu asuten ti suspek ti paltogna ken paputokanna iti namitlo a daras ti bayawna a nagresulta iti dagus nga ipupusay daytoy.
Natamaan met ti biktima a babai a dagus a naitaray iti pagagasan.
Nakumpiskar metlaeng iti ikot ni Maslang ti inaramatna a caliber 45 pistol a naglaon ti maysa a magazine nga addaan ti uppat a bala.
