BAGUIO CITY – Naibalud ti maysa nga ama kalpasan a dinungpar ti imanmanehona a motorsiklo ti maysa a lalaki a nangitunda iti ipupusay daytoy sadiay Zone 7, Bangued, Abra idi kalman.
Nabigbig ti suspek a ni Roy Vito Bolesa, 31, ken residente ti Barangay Dugong, Bucay, Abra bayat a ti biktima ket ni Rumulo Adame Quito, 47, ken residente ti Zone 7, Bangued, Abra.
Maibasar iti imbestigasyon ti pulisya, bayat ti panagdalyasat ti motorsiklo iti kalsada ket immagaw iti opposite lane agingga a naidungpar iti maysa a kotse a nakaparada iti igid ti kalsada sakbay daytoy a dinungpar ti magmagna a biktima.
Gapu iti daytoy ket nagsagrap ti biktima iti multiple head injury bayat a ti suspek ken ti backrider daytoy ket nagsagrap iti sugat ken gasgas.
Naitaray dagitoy iti ospital ngem naideklara a dead on arrival ti biktima.
