BAGUIO CITY – Pimmusay ti maysa a lalaki kalpasan a kinettelna ti bukodna a biag iti uneg ti ab-abanganda a silid sadiay Lower Engineer’s Hill, siudad ti Baguio idi kanikadua.
Nabigbig daytoy a ni Jon Jon Oribelio Dulatre, 36-anyos, naasawaan.
Sigun iti pulisya, nakaawatda iti tawag seknan iti mapapati a kaso ti panagpakamatay iti nasao a lugar isut gapuna a dagusda a nagturong sadiay.
Nupay kasta, nasarakanda laengen a nakabitin ti nasao a lalaki iti uneg ti comfort room ti silid nga ab-abanganda iti kabsatna.
Dagus met nga improseso ti PNP-SOCO ti crime scene bayat a maur-uray ti pamilya ti nasao nga indibidual para iti sumaruno nga addang.