--Ads--
Lalaki, pimmusay kalpasan a nalmes sadiay Chico River
BAGUIO CITY – Pimmusay ti maysa a lalaki kalpasan a nalmes daytoy sadiay Chico River iti Barangay Naneng, Tabuk City, Kalinga idi kanikadua.
Nabigbig daytoy a ni Robert Gupa-al Tocyapao, 46-anyos, naasawaan ken residente ti Balinciagao, Pasil, Kalinga.
Maibasar iti report, nakalugan ti biktima ken ti pito a kakaduana iti maysa a kayo a bangka ken daldalyasatenda ti Chico River.
Nupay kasta, aksidente a nabaliktad ti nasao a bangka ken nabaelan dagiti pito a nakalangoy paturong iti igid ti karayan bayat nga inyanod ti napegges a danum ti nasao a biktima.
Nabirukan met ti bangkayna kalpasan ti nasurok tallo nga oras iti paset ti karayan sadiay Balatoc Balani, Lucog, Tabuk City, Kalinga.
