BAGUIO CITY- Pimmusay ti maysa a lalaki kalpasan a pinalpaltogan daytoy ti maysa pay a lalaki sadiay Laya East, Tabuk City, Kalinga idi kalman.
Nabigbig daytoy a ni Jefffrey Besas Luda, naasawaan ken residente ti Laya East, Tabuk City, bayat a nabigbig ti nangpalpaltog kenkuana a ni Randy Aboli Pacas, 49-anyos, naasawaan ken residente ti Bulanao, Tabuk City.
Maibasar iti report, nagsagrap ti biktima iti uppat a tama ti bala ti paltog ken iti panakaitarayna iti pagagasan ket naideklara daytoy a dead on arrival.
Nakemmeg met ti suspek bayat a narekober manipud iti daytoy ti maysa a caliber 45 pistol a naglaon ti maysa a magazine ken uppat a bala.
Naamuan a naka-confine ti suspek iti pagagasan ken nainget a bambantayan daytoy dagiti pulis.
Naiturong iti pagagasan ti suspek kalpasan a nagsagrap daytoy ti dunor iti ulo manipud iti biktima.
