Isingsingasing ita ti Virac Indigenous Peoples Organization (VIPO) ti Land Congress iti Munisipyo ti Itogon, Benguet.
Naaddaan iti napintas a dayalogo iti nagbaetan ti Mining companies ken Indigenous Peoples naiyebkas ti sumagmmano nga opisyales bayat ti selebrasyon ti IP day sadiay Brgy Virac, Itogon, Benguet.
Daytoy ket adda ti pakainaiganna iti tema ti maika-29th Indigenous Peoples Month and IPRA Commemoration “Empowering Indigenous Peoples: Strenghtening Rights, Culture and Ancestral Domains.”
Sigun kenni Oscar Pel-is, presidente ken chairman ti Virac Indigenous Peoples Organization (VIPO), ti selebrasyon ket nakapokus iti panangpapigsa iti kalintegan, kultura ken ancestral domain karaman iti aglawlaw iti nasao a lugar no sadinno, masapul a maituloy tapnu saan dagitoy a maiyaw-awan.
Imbinglay ni Pel-is ti agdama a situasyon dagitoy panggep iti minas no sadino maysa a mining company ti manggangandat a mang-claim iti manu nga ektarya nga adda titulonan no sadinno impeksana a masapul kuma nga adda ti napintas a dayalogo iti nagbaetan dagiti mining companies ken IPs tapnu mareview ti karbengan ti tunggal maysa nangruna ta daga ti mapagsasaritaan.
Inlawlawag met daytoy a saan a kayat ti komunidad ti apa nu di ket alaen kuma iti nasayaat ken umno a dayalogo tapno agnaynay ti respeto ken panagmaymaysa iti IPs ken mining companies nangruna nu adda ti pakainaiganna iti ancestral domains.
Kabayatanna, manmanama a maimbitaran ti Mines Geosciences and Bureau, Department of Environment and Natural Resources, Deed of Registry, Indigenous Peoples Organizations, Municipal Local Government Unit iti Itogon, babarangay ken daduma pay nga opisina iti maisingsingasing a land congress. // via Bombo Noveh Organo
