Narugyanen a maiplastar wenno maisagana dagiti kagawaan para iti landscape competition ti panagbenga festival sadiay Melvin Jones grandstand.
Iti panakiuman ti Bombo Radyo kenni Troy Cardenas, maysa kadagiti landscapers, nangrugi idi kalman a nagsagana dagitoy nu sadino addan dagiti naipatakder a tubo, runruno ken daduma pay nga usarenda para iti landscaping.
Manamnama met a dumanon iti sangapulo ket dua dagiti landscappers a makipaset iti landscape competitions.
Kabayatanna, impeksa ni Cardenas a saan laeng a maipapan iti view wenno landscapes a pangpictorial ti idiayada no diket agilako dagitoy met laeng kadagiti nagduduma a mula wenno sabong.
Imbinglayna pay nga adda iti impaay ti Baguio Flower festival foundation Incoporated a subsidiya nga aramaten dagiti competitors a nayunan laeng dagiti landscappers.
Manamnama met a malpas dagiti nagduduma a landscapes sakbay ti Pebrero a uno ita a tawen.
Para ita a tawen, ti tema iti landscape competition ket ” A thousand blooms” a kayatna a sawen nga adu a nagduduma a sabsabong iti makita kadagiti landscape. //Bombo Noveh Organo
