--Ads--
Naiyakar ti landscaping Competition iti Rose Garden sadiay Burnham Park iti siudad Baguio.
Paset metlaeng daytoy ti makabulan a selebrasyon ti 2026 Panagbenga Festival iti siudad.
Iti interview ti Bombo Radyo Baguio kenni Mr. Andrew Pinero, Media Committee Chairman ti Baguio Flower Festival Foundation Inc., kinunana a naiyakar iti Rose Garden tapno ad-adda a maapresiar ti publiko.
Sigun pay kenkuana, na-obserbaranda kadagiti napalabas a pannakaisayangkat ti piesta a man-mano laeng dagiti agturturong iti landscaping competition area.
Gapu iti dayta, saan a maapresiar ti panagregget dagiti landscaper.
Agserbi metlaeng daytoy nga atraksion kadagiti gumatang iti market encounter a manglukat intun Domingo, January 31.//mp4
