Makapaspasar ita ti emergency power cuts dagiti nagduduma a lugar idiay Ukraine ken Moldova gapu iti agdama a paniempo sadiay nu sadino, maibasar iti inruar a datos ti State Emergency Service ket dumanon daytoy iti minus 30 degrees Celsius wenno minus 22 degrees Fahrenheit.
Nailista ti blackouts idiay Kyiv ken daduma pay a rehion kas iti sentro ken amianan a daya ti nasao a pagilian.
Sigun iti Energy Minister, ti panagpukaw ti suplay ti kuryente ket gapu iti technical malfunction a mangap-apektar kadagiti linya ti kuryente a mangikonkonektar iti Ukraine ken Moldova.
Nupay kasta, sakbay ti nasao a large-scale power outage ket immunan a mapaspasaran ti Ukraine ti karit seknan iti suplay ti kuryente kasaruno ti agtultuloy a panagatake ti Russia.
Kagiddan ti power outage, mapaspasaran metlaeng ti problema iti suplay ti danum kasta metten a temporaryo a nasuspindir ti operasyon dagiti subway.
