BAGUIO CITY – Inrekomendar ti Local Council for the Protection of Children in the Philippines (LCPC) kadagiti pagadalan iti siudad ti Baguio a makikoordinarda iti Barangay, ken dadduma maseknan nga institusyon iti kanito nga adda ti mapasamak nga insidente ti bullying.
Pangep daytoy a matulungan dagiti pagadalan a mabantayan dagiti estudiante ken maisayangkat ti preemptive measure tapno maliklikan ti bullying iti pagadalan.
Iti pannakiuman ti Bombo Radyo kenni John Rey Mananeng, Presidente ti SK Federation iti Baguio City, kinunana a maisaysayangkat dagiti programa nga Anti-bullying iti siudad ti Baguio.
Iti benneg ti SK Federation iti siudad, panggepda nga isayangkat ti Information, Education, and Communication (IEC) seknan iti anti-Bullying tapno maipakaammo iti publiko ti kaipapanan ti Anti-bullying ken maidanun ti legislation nga isaysayangkat ti gobierno iti siudad.
Malaksid iti dayta, manarimaan nga isaysayangakat ti Sanguniang Kabataan ti nagduduma a programa para iti Camaraderie, ken panagkaykaysa dagiti estudiante iti nagduduma a barangay iti siudad.
Kabayatanna, inyunay-unay ni Mananeng a nasayaat a sulbaren iti umno a proseso ti isyu seknan iti bullying ken saan nga iti panagibales.
“No maala nga agbibinnales, haanto nga malmalpas iti kakastoyda nga kaso inya. Haan tayo a mabalin nga sulbaren iti maysa nga problema babaen iti same nga problema. So, if violence is the problem then we cannot answer it with a the same violence. Ta baka agbalin to dayta basit a pagiging bayolente, baka mairaman iti community, mairaman iti the whole institution ken agbalin a cause iti problema.“ sigun kenni Mananeng
Signun iti opisial, maysa a wagas ti fix referral system manipud iti pagadalan agingga iti nagduduma a maseknan nga ahensiya tapno marisut ti insidente ti bullying.
Babaen iti daytoy, maidalan iti ligal, umno a proseso ken maasistaran a nasayaat dagiti biktima ken dagiti bully.
