Agsagsaganan ti legal team ni Vice President Sara Duterte para iti impeachment trial daytoy kagiddan ti panangasikasona ti ligal a panagsagana ti amana a ni sigud a president Rodrigo Duterte, a naibalud idiay The Hague, Netherlands.
Sigun kenni Vice President Duterte, nasayaaten ti maipapan ti impeachment gaputa sakbay ti “extraordinary rendition” wenno panagalada iti sigud a president ti Pilipinas, nabukelen ti team ti impeachment.
Kinuna ni Duterte a saanna a mabalin a baybay-an ti amana nga agmaymaysa idiay Netherlands agingga a saan a ma-finalize ti bukodna a legal team.
Bayat nga adda iti ballasiw-taaw ni Vice President Duterte, adda dagiti nainayon a nagan a natakuatan a maipagarup nga umaw-awat iti confidential funds manipud iti Department of Education (DepEd) bayat ti panagtakemna kas ti nasao nga ahensia.
Kas sungbat, kinuna met ni Duterte a mabalinna met nga ibaga ti kayatna.
