--Ads--
Ngimmato iti P9.95 milyon ti liabilities da Vice President Sara Duterte ken ti asawana a ni Atty. Manases Carpio idi 2024 manipod iti P3.75 milyon idi 2022, kas maibasar iti SALN.
Maibasar iti dokumento nga insubmitir iti Office of the Ombudsman iti House justice committee, ti nasao nga utang idi 2024 ket nakanagan iti asawana.
Dumanon met iti P88.5 milyon ti net worth iti Bise President idi 2024—nangatngato ngem ti P77.5 milyon idi 2023 ken P71.5 milyon idi 2022.
Karaman ditoy ti P66.8 milyon a real properties ken P31.6 milyon a personal properties.
Naisumitir dagiti SALN kas paset iti panagdengngeg iti impeachment complaint, nu sadinno maysa kadagiti alegasion kontra kenni Duterte ket ti mapapati a saan a mailawlawag a kinabaknangna.
